Chatree coolie in de minibus

Brief morning light to start a day, or repeat a cycle

Bus man pull up. Driver alone. Heading to Mon Repos market. I jump in front. Murti on de dashboard and flowers.  My mood lil weird and I friken fuh talk. Is until we reach UG I try a ting.. how de wuk, yuh just start?
He seh yeah.. trip and half, is january, road dead. He seh stabroek good fuh buy greens .. early in de morning. Don't worry wid Mon Repos.. I agree.

He supsin as we pass. We pass Starlite..  a girl come out but she not going .
"She sister deh wid a blackman'..  I cringe.. I not able wid dis.
I seh.. well he mussee good. He seh.. you gun see how election deh , how dem face gun lang lang.

I seh, whuh yuh wan' black people fuh do?  And Look how de AG behave, ..he want kill Kaiteur?

Bus man seh.. nah.. you aint hear de AG seh dat provocation does bring violence. .. you aint listen what de man seh..
I seh "man, but dat is de biggest lawyer in de country'.. he seh
me aint want blackman fuh tek ovah dis place again.

"Wheh yuh been when tiefin been a happen, ting good now.. me aint want black man fuh rule'

I am not voting and I don't want to talk about elections. I wish I had a bible tract or someting fuh give he.

"Yuh aint fed up wid de tiefin and suh? Even if yuh vote fuh dem, why yuh doan keep fyah pun dem fuh leh dem wuk fuh yuh"

He seh nah, yuh cyan do dat.  I ask about drainage and suh.

He live in Enmore.. NDC and dem people does clean drain and clear rubbish and he seh dat you live in Georgetown.

I seh, yeah.. if we had local government elections we would had change.  I seh PPP gie Georgetown to Hammie Green and de man right, he coming out when he get vote. Bus man agree wid me... he seh yeah yeah.


I seh look how light bill aint coming down even do' Jamaica and St Maarten bring down.

He seh.. GPL ah give subside.. .. we voice raising and like I aint kay now..  He seh he paying light bill and plenty people tiefin but he not reporting nobody.  We reach Mon Repos.. I tired bad.. so I ask bout how to apply fuh de GPL subsidy. He seh is old people, go and check it out.

I seh arite.

I aint know how much de PPP doing fuh tell dey supporters dat is okay if black people rule dem once dey have accountability and dem ting.

Professor David Hinds in a letter in Stabroek News , talk about "ethnic honour."  and 'ethnic sacrifice' we coolie would be asked to mek if dey ask black people fuh vote fuh Nagamootoo.

I tink he and de Bus man deh pun de same page.. dat people mussee gat to look fuh de race ting fus an den yuh gun worry bout everyting else.  

I wonder if de ethnic sacrifice dat coolie don mek is how de chatrie coolie, rass is de big lawyer in de country and de garbage pile is a sign of development and we gun look up to de marriot as a symbol of progress while de coolie leadership destroying Cheddi night school .

But I not voting because I have no ethnic honour.