ganja an gear ; bus man an' dey wife
De bus man ask if I going down - I seh yeh. He got a cigarette in he hand out de window an' he ask me fuh a excuse - he seh he gun dun jus' now.
I seh nah man, if yuh smokin' yuh gah fuh smoke de real ting. De man laff an' seh.. true true.. he wife is a rasta. He tell me he doan drink, so smokin' is he vice. He seh he wife does cook de food wid de herb , she doan smoke either. She does only cook ital. He seh when yuh eat de food, it nice. And dat de herb good fuh cold an' astma.
De bus man ask me if I does drink or smoke - I seh nah nah. he seh man, you mussee gat nuff woman den.
I see nah, suh he seh man, someting wrang wid yuh. De man tell me he wife is a nurse.. he like she bad bad, but she doan live hey no mo'. He seh she outside an' dat he does kerry her everywhere. He seh she does doan min' when he calling out fuh gyurls an' suh.. when he kicksin'. An when she come back, he gah fuh tek a week leave.
A nex' bus man - he tell me how he tryin' fuh teach he wife fuh drive . He seh she friken drivin wid gear, she only want drive automatic. He wan fuh gie she a bus fuh she kerry school children - but like it aint gun wuk. He seh he teach nuff nuff people fuh drive. He show me picture of he wife - de picture deh in a nice plastic envelope. It crass me min' fuh tell he dat de lady smart.. she mussee aint want drive no bus. But den he turn over de plastic envelope and show me he wedding picture... an' he put de picture back on de dashboard. Den he stop an' he start calling up and suckin up he lips to a woman.. come on baby, come ovah hey.. I goin' whey you goin'.
I seh nah man, if yuh smokin' yuh gah fuh smoke de real ting. De man laff an' seh.. true true.. he wife is a rasta. He tell me he doan drink, so smokin' is he vice. He seh he wife does cook de food wid de herb , she doan smoke either. She does only cook ital. He seh when yuh eat de food, it nice. And dat de herb good fuh cold an' astma.
De bus man ask me if I does drink or smoke - I seh nah nah. he seh man, you mussee gat nuff woman den.
I see nah, suh he seh man, someting wrang wid yuh. De man tell me he wife is a nurse.. he like she bad bad, but she doan live hey no mo'. He seh she outside an' dat he does kerry her everywhere. He seh she does doan min' when he calling out fuh gyurls an' suh.. when he kicksin'. An when she come back, he gah fuh tek a week leave.
A nex' bus man - he tell me how he tryin' fuh teach he wife fuh drive . He seh she friken drivin wid gear, she only want drive automatic. He wan fuh gie she a bus fuh she kerry school children - but like it aint gun wuk. He seh he teach nuff nuff people fuh drive. He show me picture of he wife - de picture deh in a nice plastic envelope. It crass me min' fuh tell he dat de lady smart.. she mussee aint want drive no bus. But den he turn over de plastic envelope and show me he wedding picture... an' he put de picture back on de dashboard. Den he stop an' he start calling up and suckin up he lips to a woman.. come on baby, come ovah hey.. I goin' whey you goin'.
Comments
Post a Comment