Dutty music, god, de chirren and money...

Coolie man driving the bus , coolie woman who might be his wife is conductor. Man older dan me and wife my age and de dutty music on low volume. I keep my mout shout because i in a hurry. but when we reach lamaha and vlissengen he reach to turn up he volumen and I holler 'aye, you got customers who don't want dutty music'

He look back at me and try again and I tell he dat he is de driver and he doan have

I had in meh head fuh start up about how black people like gospel too but den i remember andooda east coast bus wid coolie driver and flower pun de dashboard and de dance hall wid de dj disrespecting east coast gyurls ..

So i holler about play lil gospel, dey have dance hall gospel too and chutney gospel and dat at least you could put lil God in dem instead of poison.

Driver change de music and put on soul music and conductor seh Uncle you like dis now?
I seh is nah fuh me, is fuh when yall poisoning dme yute fuh money and dat money dat mek like dat aint gun last long. I aint mek no comment about de uncle because i just went to NIS to collect a pension book and de woman look at de ID card and say... oh de book is nah fuh you an den when I seh ow lard i look like a pensioner she say no no .. some pensioner looking good for dey age..



School chirren in bus going ot mashramani ting listening ot dutty music and not no national song and dem ting.  Minibus driver and so doing customer service..  excellent customer service is to play nasty dutty music loud fuh chirren in dis miserable country and say 'dat is what dey want'..  and someday people gun get vex when de chirren start living de lyrics dey listening to when defenders of de nastiness say is reflecting 'de reality'.

I turn to a lady at de back and seh sis is nah true, chuchr is nah fuh Sunday and funeral alone .. and de lady look lil shame and laugh and sey yes yes..
Coolie man say dat he just get de music, he doan hear de lyrics.. but dey mussee got somebody.

I know i is a big hypocrite and me mind posion and i does sin sexually and suh,  but i doan wan fuh hear dat in a minibus an i doan wan no chirren hear dat eider.

Maybe when Minister Henry and Dr roopnarine wake up dey could commission some  music wid nuff beat and so but wid lyrics dat de chirren could see dat life aint only about who winin' pun who and dat woman could be more dan what de dutty music DJs want dem to be.

And dat minibus drivers and owners could mek money widout poisoning chirren mind.