Moses, David , de losers and de choosers in Guyana

I aint vote so I doan really bodder too much wid how de Opposition getting on wid de Government but since I pay taxes I does have to mek sure dat dem dat I paying does be wuking.

So recently I hear dat David sending Moses fuh talk wid de slap and strip bheri party and dat de party say no way not Moses and dat Moses in he response say among odder tings dat 'losers cannot be choosers' and dat wedder dey like it or not, is he Moses dat will have to boil cou cou wid bheri women and men.

It cyan be easy. But now elections done, and de VAT still paying, while I have no intention of unity wid bheri's slappers and strippers,  dere is something about how David and Moses playing chess wid dis Unity ting because underlying de whole 'National Unity' is someting about how black people and coolie people is supposed to unite.

And so is entertainment every time Moses throw a shot at he former comrades, and dey shot back and back and forth it go.. but dat is nice fuh some when is elections campaign, but not when de President and de Prime Minister of all de people have to  Govern. And since de Constitution doan have much space for losers.

And between dem two coolie leaders and de coolie people dem dat hiring people fuh kill knack out dey family, coolie people really gotta find some ways to mek nice news apart from dem shot like 'losers cyan be choosers'.

As David did say, dere are constitutional issues fuh de 'Leader of De Opposition' - fancy name for bheri's and anil's enabler in our national context .

So it seem National Unity talks must be between de President and de Leader of de Opposition. 

And if David too busy den it would be nice fuh see who in de Guvament dat bheri and anil party want to to boil dey cou cou wid .



Fuh me, I want me VAT and PaYE money spend in dem ting I had pun me manifesto rather dan Unity wid bheri people dem. But i is a loser, and in Guyana, apparently, losers cyan choose.