Why i not hugging black people de next couple weeks..
I not hugging up black people de next couple weeks and here is why.
I friken dat somebody gun tek de picthcuh or dey gun see and seh.. ow, look how coolie people and black people does live good in dis country and why election time it does come up?
Dis would ah nevah happen back in Burnham days because dere was no Facebook and now due to Facebook, like every time a coolie and a black have some kind of normal nice gaff or dey play lil phagwah or dey married or dey deh in love or whatever.. or a coolie man wearing a dashiki or a black man wearing a kurta fuh show dat dem aint racial. And dat people have dougla family or dey chirren and grand chirren is dougla or some long memory of some ancestor who was from anodda race.. (I doan worry wid no family tree genetic ting because I had some ancestor who kill some odder man fuh a black lady.. and I does wonder if dat man genes in me and if I gun kill anybody )
Well leh me seh, dat I play phagwah and I hug up plenty people wid people who doan talk to me no' more. Shoots, I even sleep wid people who doan talk to me no more and who have contempt for me and so who is foolin who about how if you hold hands and you hug up and so , dat you is not racial.
So stop wid dis stupidness dat because you tek out nice pitchuh and people hug up and you married and you talking wid dat you is not racial. As Mr Collins seh in he letter.. black people and coolie people been sleeping wid one anodda and tiefin wid anodda and so.
I always tinking about race. Almost 35 years after a black gyurl who call me a stupid coolie fool in school , me and she wuk together and she calm, deeply spiritual and working across nuff differences while I trying to transition from de stupid coolie fool.
And I remember in 2002 when a black bus conductor and me had a row over music and as I leave de bus he holler after me. Nerd nerd , pagally nerd... and I laff and seh to mehself.. at least he aint seh coolie nerd.
Nuff a we like to point out odder people racism and prejudice and seh dat we is not racial because of who we sleep wid and who we play wid and who deh in love wid and who we help out and who help we out an suh.
I have my racial moments. I doan like black people dutty music dat some coolie people like.. and Congress Place gotta stop playing loud dutty music if dey really want to show love and unity wid dem people who aint able wid de music pun de holiday time..
in fact I doan like no loud music and I understand dat dey have black people who feel de same like me.. or is it dat i tink like dem ? so I doan know if me and de black people racial against de black people and de coolie people who play loud music or it depends is who complaining?
I aint able see no mo lovey dovey pitchuh wid Granger and Nagamootoo or Ramotar and Harper which dey telling we is not about race but is about issues.
Well when I hug up anybody is not because of dey race and I not proving no blasted point dat I is not racial. Doan tell me dat you hugging up odders of de different race and dat you is decent but you still tink is arite fuh beat chirren.
So yeah.. I doan have to prove dat I not racial by not sehng ting in minibus like change de music or play Amazing Grace or lil gospel because black people like gospel and I like gospel too . Or if I ask fuh lil coolie music and dey tink I racial, too bad.
I know people friken dat 'dere will be violence' at elections. Yeah.. people doan want no large scale inter-ethnic violence civil war thing. People arite though.. wid de lil chop up and de lil police beat up people and get promote and de lil car accident and shoot up and de lil rape dat politicians dey like can get away wid and de lil corruption and ting dat happening.. as lang as both black people and coolie people are de violent ones and de victims.. everybody is arite.. (well except Neesa Gopaul where everybody was united on facebook to say good for dem and glad dat de mother get punish more dan de man.. because like we all agree dat it mo wrong for a modder kill she chile dan it is for a man to kill a chile so some violence betta dan odders)
So , yeah.. I not hugging up black people in public unless I want people to vote fuh me and I will continue to shout to any bus driver to tun down de dutty music and play lil gospel because black people and me like gospel and who doan like dutty music.
I friken dat somebody gun tek de picthcuh or dey gun see and seh.. ow, look how coolie people and black people does live good in dis country and why election time it does come up?
Dis would ah nevah happen back in Burnham days because dere was no Facebook and now due to Facebook, like every time a coolie and a black have some kind of normal nice gaff or dey play lil phagwah or dey married or dey deh in love or whatever.. or a coolie man wearing a dashiki or a black man wearing a kurta fuh show dat dem aint racial. And dat people have dougla family or dey chirren and grand chirren is dougla or some long memory of some ancestor who was from anodda race.. (I doan worry wid no family tree genetic ting because I had some ancestor who kill some odder man fuh a black lady.. and I does wonder if dat man genes in me and if I gun kill anybody )
Well leh me seh, dat I play phagwah and I hug up plenty people wid people who doan talk to me no' more. Shoots, I even sleep wid people who doan talk to me no more and who have contempt for me and so who is foolin who about how if you hold hands and you hug up and so , dat you is not racial.
So stop wid dis stupidness dat because you tek out nice pitchuh and people hug up and you married and you talking wid dat you is not racial. As Mr Collins seh in he letter.. black people and coolie people been sleeping wid one anodda and tiefin wid anodda and so.
I always tinking about race. Almost 35 years after a black gyurl who call me a stupid coolie fool in school , me and she wuk together and she calm, deeply spiritual and working across nuff differences while I trying to transition from de stupid coolie fool.
And I remember in 2002 when a black bus conductor and me had a row over music and as I leave de bus he holler after me. Nerd nerd , pagally nerd... and I laff and seh to mehself.. at least he aint seh coolie nerd.
Nuff a we like to point out odder people racism and prejudice and seh dat we is not racial because of who we sleep wid and who we play wid and who deh in love wid and who we help out and who help we out an suh.
I have my racial moments. I doan like black people dutty music dat some coolie people like.. and Congress Place gotta stop playing loud dutty music if dey really want to show love and unity wid dem people who aint able wid de music pun de holiday time..
in fact I doan like no loud music and I understand dat dey have black people who feel de same like me.. or is it dat i tink like dem ? so I doan know if me and de black people racial against de black people and de coolie people who play loud music or it depends is who complaining?
I aint able see no mo lovey dovey pitchuh wid Granger and Nagamootoo or Ramotar and Harper which dey telling we is not about race but is about issues.
Well when I hug up anybody is not because of dey race and I not proving no blasted point dat I is not racial. Doan tell me dat you hugging up odders of de different race and dat you is decent but you still tink is arite fuh beat chirren.
So yeah.. I doan have to prove dat I not racial by not sehng ting in minibus like change de music or play Amazing Grace or lil gospel because black people like gospel and I like gospel too . Or if I ask fuh lil coolie music and dey tink I racial, too bad.
I know people friken dat 'dere will be violence' at elections. Yeah.. people doan want no large scale inter-ethnic violence civil war thing. People arite though.. wid de lil chop up and de lil police beat up people and get promote and de lil car accident and shoot up and de lil rape dat politicians dey like can get away wid and de lil corruption and ting dat happening.. as lang as both black people and coolie people are de violent ones and de victims.. everybody is arite.. (well except Neesa Gopaul where everybody was united on facebook to say good for dem and glad dat de mother get punish more dan de man.. because like we all agree dat it mo wrong for a modder kill she chile dan it is for a man to kill a chile so some violence betta dan odders)
So , yeah.. I not hugging up black people in public unless I want people to vote fuh me and I will continue to shout to any bus driver to tun down de dutty music and play lil gospel because black people and me like gospel and who doan like dutty music.
Comments
Post a Comment