Whuh wrang wid u man, how Jagan gun win dis election?
Is a old bus... a cork ball. A hole where de radio supposed to be.
De seatbelt only fuh show. An a nice driver. One ah dem ol time ol; men, dress nice and relaxed.. no hurry to go nowher
He say morning fus. Black guy.
A lady tek out a thousand. He seh.. doan worry, next time yuh gun pay me. I laff and ask he whuh gun happen when de five thousand come out. He seh he aint know, nuff people gun owe he. I seh, well tell dem to give a beggar man in your name.
He laff an seh true true blessings.
He tell me a story bout when he was a lil boy, how dey had a gold man in Bartica who used to keep a posey of whisky around.. tings was good.
He seh a day he tek shelter from de rain and somebody bring in an ol' man , dirty clothes, old walking stick.. was de same man. he seh some man does drink out deh money.. an nuff beggar man was rich once. We talk about drinking.
He seh he know anodda man he had to stop wuk wid, lef his wife wid no money fuh food. But good, de man turn muslim and clean up.
He seh he does tek he finey wan wan time. I ask he often he does drink. He seh is a lang tim, wid de bus wuk," I just go home and wan sleep.. i aint even gat time fuh meh wife"
I seh shoots. How you does manage? He seh well, he aint got chirren fuh mine now. Jus he and de wife and he arite wid $6000 a day.
We nearly reach wheh ah wan fuh come off.
He look at me an seh.. laughing " you mussee gat couple wife and nuff chirren"
I laff and seh na man, I single and I aint got no chirren.
He keep laffin .. as I come out de bus.. and seh.. 'Man, whuh wrang wid you, is how Jagan gun win dis election"?
I seh I gun mek dougla chirren.
De seatbelt only fuh show. An a nice driver. One ah dem ol time ol; men, dress nice and relaxed.. no hurry to go nowher
He say morning fus. Black guy.
A lady tek out a thousand. He seh.. doan worry, next time yuh gun pay me. I laff and ask he whuh gun happen when de five thousand come out. He seh he aint know, nuff people gun owe he. I seh, well tell dem to give a beggar man in your name.
He laff an seh true true blessings.
He tell me a story bout when he was a lil boy, how dey had a gold man in Bartica who used to keep a posey of whisky around.. tings was good.
He seh a day he tek shelter from de rain and somebody bring in an ol' man , dirty clothes, old walking stick.. was de same man. he seh some man does drink out deh money.. an nuff beggar man was rich once. We talk about drinking.
He seh he know anodda man he had to stop wuk wid, lef his wife wid no money fuh food. But good, de man turn muslim and clean up.
He seh he does tek he finey wan wan time. I ask he often he does drink. He seh is a lang tim, wid de bus wuk," I just go home and wan sleep.. i aint even gat time fuh meh wife"
I seh shoots. How you does manage? He seh well, he aint got chirren fuh mine now. Jus he and de wife and he arite wid $6000 a day.
We nearly reach wheh ah wan fuh come off.
He look at me an seh.. laughing " you mussee gat couple wife and nuff chirren"
I laff and seh na man, I single and I aint got no chirren.
He keep laffin .. as I come out de bus.. and seh.. 'Man, whuh wrang wid you, is how Jagan gun win dis election"?
I seh I gun mek dougla chirren.
Comments
Post a Comment